قصعة كسكس دكالية بالتفاية ومزوقة بالبيض واللوز

img
طبخ 0 admon

kouskous doukkali

 المقادير والطريقة هي  : كتحكي خمسة المطيشات في البرمة و تشدي زوج بصلات وديريها تقلا مع تلاتة ملاعق زيت او وحدة بلدية و ديري الملح و سكين جبير و زعفران و ابزار و خرقوم،  من بعد كتبلي و مني تغلى كديري دجاجة مشرملة.
من بعد ندوزو لتفاية كتشلضي البصلة في كوكوت و ديري معها الزبيب و تهزي شوية المرقة من البرمة و تسدي عليها طيب شوية من بعد عسليها.
اما بالنسبة السميدة الغليضة كتفتليها بالشوية ديل الماء و دوزيها في “سيار” او ديري ليها شوية الزيت و ديريها في الكسكاس، ملي تفور رشيها بالماء و ديري شوية الملحة و عاودي ديريها تفور المرة الثانية و عاودي كبي عليها غرف ديل الماء و خليها تشرب محدها كتشرب الماء و هي كتزاد  في الحجم، فوريها المرة الثالثة و الاخيرة، و ملي تبغي تسقيها ديري شوية السمن، ضروري عدنا في دكالة، و تزوقيه القصعة بالبيض و اللوز ، او بصحتكم.

 

الكاتب admon

admon

اترك رداً